 |
| Tgk Faisal Abdul Rahman [Foto Iwan-Waa]. |
WAA – Selasa 17/11/2009, CAE Uleh: Faisal lhoksukon
Pikéé Keu Ado’e
Asslamualaikom loen bri saluem
kue bandum urueng yang na di lingka
anuek mit cut-cut jiduek baksagoe
katahe kuedroe sapako hana
tuengoeh jirenung ata jih lumpoe
sampe uroenjoe hana troh tueka.
Ureung WAA jinoe ka lahee
hudep ngoen matee guebela bangsa
nibak tanggai 3 bueluen october
sinan guepuphon buka acara
acara malai poh lapan uroe
urueng di nanggroe lhedroe guetueka.
Acara guepuphoen olah Mukarram
tema ngoen puesan guebaca sigra
anggota katueduk bak meja dewan
lam juem poh lapan gue atoe banja
banja kasare hate kasaboh nak cok puenutoh
dalam acara.
Kagueseumike puekara nanggoe
ata kasampoe 4 thoen ka tueka
MoU Helsinki katroeh lam nanggroe
beksampe dudoe hasee pih hana
urueng lam gampoeng jinoe kaduek troe
hanaso pakoe muesiblah mata
adakna janji jinoe goh sampoe
hana tatusoe yang som-som punca
jinoe suemike pike kue adoe bek sampe dudoe
taroe ie mata.
Anggota WAA hana gue iemdroe
sapee atjinoe mantong na haba
haba guepuegah puemaju nanggroe
Aceh buesampoe buesejahtera
sayang that rakan hana lee adun
abeh kuerubuen masa prang tueka
jinoe kadame pike lee sigra ata yang kana tajok kue adoe.
Pedidikan buena di dalam nanggroe
tajoek kue adoe yang that mulia
biaya bue free di dalam nanggro
bekgadoh kap jaroe duk di atueh meja
pikiran buena puemaju nanggroe
oh noe kasampoe MoU tueka
beksampe habeh mandum ji eungkho
ata lam nanggroe puwoe u jawa.
Bungkoh lam ruegam puetimang kuedroe
aduen ngoen adoe bue saboh banja
jinoe kamasa ta atoe kuedroe ata lam nanggroe
puetimang sigra.
beksampe lahe kelompok algojo
jijak koh jaroe oh malam juga
njoe han nuepateh nuekalon kudroe
kapadum ploh droe hana muesoe timbak.
Yang kuenoeng timbak urueng KPA
seubab jimita yang ulee kodoe
jinoe kasuengap mandum jiimdroe
jipura lumpoe oh malam jula
buethat pih muenan jipugah lumpoe
tanjoe bek tuewoe jaga droe sigra
bekna puekatuen pueragui tikoh
ubena bungkoeh bek som-som punca.
WAA hase pueduek acara
dalam puekara puemaju nanggroe
laju guetuleh nibak suepanduk
didalam tajuk silahturrahmi
ubena urang abeh muesahoe yang tem-tem pakoe puekara bangsa.
Wahe rakan loen yang na lam nanggroe
aduen ngoen adoe yang that mulia
loe akhe kalam saluem kue adoe
kadang na sigoe haba loen lasa
puemu’ah uloen di lua nanggroe
bekjuet kueduroe oh akhe masa.
Taduk ngoen tadoeng pike kue Allah
bek silap langkah tanjoe kuerija
pebibueh bangsa didalam droe
bekle tuelanjoe lagee yang ka ka.
Denmark 17 November 2009
Faisal lhoksukon adalah Aktivis WAA berdomisili di Denmark
